زفـــة لأم العـــروســـة .:.

زفـــة لأم العـــروســـة .:.






وش اقول لكم ماذا عساي ان اقول

جالسين بالقاعة وقالوا زفه وزفه توقعـنا العروسة زفتها بدري طلعت الزفه لام العروسه ..تستاهل الغالية ...

طبعاً ام العروسة نزلت علينا من الدرج بدون ما يطفون الانوار بس خففوها وشغلوا الليزر وخلوه يرقص ---->حلوه هذي
المهم شغلوا الليزر وبدت قصيــدة تمدح ام العروسة واصلها وابو العروسه واصله وهي تمشي في الممر وعلى الجنبين بنات معهم مباخر ولابسين خليجي وفيه تصوير لها وبعدين وصلت الوالده للمنصة على اغنية لا لا يا ام العروسه وغنو لها وما خلو اغنية عن الام الا وقالوها والحاريم هجوووووم على المنصة طبعا بيســـلمون على ام العروسة

ايه وبعد كانت معها مسكة وردها قليل بس طويله وعلى الوان فســـتانها وبعد كذا نزلت الام وجلست على الكرسي مع عامة الشعب اقصد عامة الحضور وهي تقول يا أرض انهدي محد قدي الله يخليها ويطول بعمرها وهي بصحة وعافية و يوفق بنـــيتها

وش رايكم في فكرتهم حـــلوه والله الام تتعب في زواج بنتها واخر شي تلقينها في الاستقبال واقفه ولا جالسه على الكرسي منهد حيلها ولا ترقى فوق وتنزل ما لها نصيب بالحفلة شوي عليها الزفه